Woh do boond lahu ke, woh dil par chot ik gehra
Thamte nahi, aaj, najaane Kyu
Woh sard raahe, savera sunehra
Par aansu rukte nai, najaane Kyu

Kashti se utre aaj, us neele samandar mein
Jiski na seema hai, na shuruaat
Toofan se takraye, us geele bhavandar mein
Khudko dhoondne, bas khudko dhoondne aaj raat

Woh satrangi savera, kya bauchhar laya,
Ghul mil sa gaya rango mein, Kuch Der tak
Par Apne hi andar jhaankke dekha jab
Maine khudko bas akela paaya

Na tum thi mere paas, na tha tumhara saaya
Pas mere bas Kuch pal the, Kuch yaadein, yu
Fir do boond aasu, lahu sa meri aankho mein ubhar aaya,
ye aansu thamte nahi, aaj, najaane Kyu