Tags

, ,

Kya bakwaas hai ye gayak
Isse accha main gaata hu
Kuch soch is tarah rakhkar nalayak
Mann hi Mann muskurata hu

Kya ajab shabd Hai, Kya gazab bol Hai
Kuch gadbad Hai, kuch jhol Hai
Arre saalo se ye gaana gaa Raha tha
Aaj lafz badal Gaye, khuli meri pol Hai

Koi sur kahaan, kahaan taal Hai?
Bas woh gayak malamaal Hai
Woh purana zamaana toh Gaya yaaro
Ab badli sangeeth ki chaal Hai

Kabhi mehfil hua karti thi, hum bhi the sangeetkar
Kabhi kiya karte the shaam ka intezaar
Jab chalte radio, aur bas jhoom uthte the bahaar
Aaj bik Chuka Hai sangeeth, bik Gaya woh purana pyaar…
Ab toh guzaarish bhi hoti hai toh sirf DJ waale babu se yaar..

Advertisement