Maine dil se kaha, ae dil
Dhoond tu koi khushi aaj
Dhoond, in taaron mein jhil mil
Koi hasne ki wajah mile aaj
Mere dil ne kaha, bande sun
Tu kyu rota hai, aansu rok
Taaron mein nahi, yaadon se bun
Woh haseen pal, aur bhoolega shok
Un lamhon ko chun, is pal ke liye
Jinhone kabhi tujhe rulaye
Kabhi hasi ke phuwware bhi diye
Jo aa jaate hai bin bulaye
Maine Dil se kaha, ae dil, zara sun
Bas ek chaadar banakar dede mujhe
Bani kuch in yaado se, zara chun
Odhke jise so jao, duayein deta chalu tujhe
Mere dil ne kaha, abbe aalsi ladke
Kya raat ke andhero mein jagata hai
Dopahar ko badi mast neend so jata hai
Aur raat hote hi mann mein angaare bhadke
Chup chaap shayari band kar abhi
Ankhiyon ko de kuch vishraam
Subah ke intezaar mein na reh kabhi
Subah hote hi karna hai bahut kaam
Aigis Nalian 